Burime zyrtare të policisë së Shkodrës, thanë se shtetasi T.Brahimi, 16 vjeç, është paraqitur me vullnetin e tij në polici duke u vetëdorëzuar.
Ai ka dorëzuar gjithashtu në polici edhe armën e përdorur në krimin ku vrau bashkëmoshatarin e tij, 17-vjeçarin Eduart Thana.
Prej dy ditësh autori i vrasjes së adoleshentit ishte shpallur në kërkim ndërsa policia ishte vënë në ndjekje të tij.
Në orët e mbrëmjes së sotme, i riu është paraqirtur në polici dhe ka kërkuar ti nënshtrohet hetimeve për akuzën e vrasjes.
Identifikimi i autorit të vrasjes, u bë një ditë pas krimit të ndodhur pranë një lokali te Universitetit “Luigj Gurakuqi” në Shkodër.
Vrasja ka ndodhur pas një sherri banal mes dy bashkëmoshatarëve.