Ish gruaja e futbollistit anglez Wayne Bridge, modelja franceze Vanessa Perroncel ka nisur të bombardojë me SMS, lojtarin e Manchester City. Protagonistja e skandalit seksual që goditi futbollin anglez ka akuzuar ish burrin e saj se ka lënë pas dore djalin e tyre, ndërsa ajo ende nuk mund të dalë lirisht pasi përndiqet nga paparacët.
Vanessa, që në listën e saj të flirteve ka plot 5 futbollistë apo ish të skuadrës së Chelsea, kohët e fundit fitoi vëmendjen pasi në rrjetën e saj ra edhe ish shoku i Bridge, John Terry.
Tani 33 vjecarja franceze, ish modele e të brendshmeve ka dërguar disa SMS për Bridge. Në bazën e akuzave është neglizhenca e futbollistit për djalin që lindi nga martesa e tyre, Jordan.
Wayne Bridge u fiksua nga aparatet fotografike duke festuar në plazhet dhe diskot e Miamit, me shokun e skuadrës Micah Richards, këtë fundjavë.