Reshjet e shiut të nisura që prej mbrëmjes së djeshme kanë krijuar probleme në disa qytete dhe akse rrugore të vendit. Kështu gjatë paradites, policia e Qarkullimit ka devijuar kalimin nga autostrada Lushnje-Fier për shkak të bllokimit të saj në kthesën e Mbrostarit. Sasia e madhe e ujit e ka bërë këtë segment të pakalueshëm, kjo edhe për më të guximshmit që kanë tentuar ta kalojnë atë. Sasia e madhe e reshjeve ka nxjerrë nga shtrati edhe lumin Gjanicë duke përmbytur tregun industrial dhe duke u shkaktuar një dëm të madh subjekteve tregtare.
Niveli i ujit që përmbyti trotuare dhe rrugë në qytetin e Durrësit arriti gjatë paradites në 20 cm, duke krijuar vështirësi për qarkullimin e mjeteve. Zonat më problematike ka qenë ajo e kryqëzimit pranë Stacionit të Trenit, Rrethrrotullim i Shkozetit, Spitalla dhe zona e Plazhit. Për shkak të motit të promblemeve ka patur edhe në Portin e Durrësit. Kjo ka qenë situatë mbrëmjen e djeshme në qytetin e Vlorës. Rruga e Skelës dhe akse të tjera rrugore kanë qenë tërësisht të mbuluara nga uji. Bllokimi i kanaleve shkarkuese ka bërë që e njejta situatë të jetë edhe paraditen e sotme. Motit të keq i është shtuar edhe mungesa e energjisë elektrike për disa orë.