ikubINFO
map icon

map icon Kerkimi i Avancuar
Mjeshtria sportive "Benardina Qerraxhia"   
Shkolla profesionale

7.210
LEXIME
3
KOMENTE
0
OFERTA

L.18 Perballe stadiumit"Niko Dovana"
Durrës
- Trego te zmadhuar ne harte

Shkolla e Mesme "B. Qerraxhia' ne Durres eshte shkolle kombetare e sporteve si: futboll, lojra me dore dhe atletike, duke nxjerre keshtu kuadro te mirfillta, si ne profilet e vecanta ashtu edhe ne mesimdhenie.


 Shkolla e mesme Kombëtare Sportive, i ka fillimet e saj që në vitin 1970.

Në vitin shkollor 1970-1971 u çel për here të pare me emërtimin “Teknikum i Fiskulturës",  kjo në përgjigje të nevojave që kishte vendi për kuadër të edukimit fizik.

Në këtë vit shkollor, u hap me 43 nxënës të inkuadruar në tre specialitete: atletikë, gjimnastikë e lojra me dorë, nën drejtimin e tre specialistëve: Idriz Çinari – atletikë, Lindita Laçi – gjimnastikë dhe Hektor Milla – lojra me dorë. Kjo klasë iu bashkua shkollës “Nako Spiro” me drejtor Ali Rexhën.

Vitet 1971-1972 deri më 1974, do vazhdojë hapja e klasave, por tashmë me nga dy paralele dhe me emërimin e drejtorit të kësaj shkolle Kristaq Miço, i cili ishte specialist për kulturën fizike dhe autor i teksteve metodike për shkollën. Në këtë vit (1974),  përfundon matura e parë e kësaj shkolle, ku pjesa më e madhe e nxënësve emërohen mësues në vendbanimet e tyre dhe një pjesë ndjek mësimet në ILKF “Vojo Kushi”, sot Universiteti i Kulturës Fizike në Tiranë.

Shkolla, vjen e fuqizohet nga ana pedagogjike e mësimdhënia me mësues si Suzana Katro-letërsi, Ibrahim Begoni- fizikë e matematikë, Dashamir Kërtusha - gjimnastikë meshkuj, Dilaver Çoba - gjimnastikë femra, Shefqet Feri, Petrit Kërtusha - specialist atletike, Dhurata Shemsi - filozofi dhe Keti Paramoni - pianiste.

Viti shkollor 1974-1975, fillon me këtë staf mësuesish dhe me tetë klasa, të cilët punonin në grup për forcimin e procesit mësimor dhe edukativ dhe për arritjen e rezultateve në të tre disiplinat sportive.

Viti mësimor 1975 – 1976, fillon me zhvendosjen e shkollës në konviktin e ish shkollës industriale, sot “Leonik Tomeo”,  ku nxënësit të inkuadruar në lëvizjen “Disiplinë, lëvizje masive e stërvitje e vazhdueshme”, lëvizje e filluar që në vitin 1974, do të përfshiheshin edhe në lëvizjen tjetër “Nxënës i mirë, sportist i dalluar”, që do të forconte lëvizjen e parë si në procesin mësimor edhe atë stërvitor. Kjo lëvizje del edhe jashtë mureve të shkollës ku nxënësit tanë kontribuan për të organizuar gjimnastikën e mëngjesit në ndërmarrjet e qytetit dhe aktivitetet sportive në një ditë të veçantë që u quajt “Dita sportive”.

Gjithashtu, shkolla jonë organizoi dhe dy  manifestime fiskulturore e sportive të cilat u zhvilluan njëra në stadiumin “Lokomotiva” dhe tjetra në Pallatin e Sportit “Ramazan Njala”. Këto lëvizje e aktivitete, u vlerësuan duke e dekoruar shkollën me Urdhërin “Naim Frashëri” që nga viti 1974 dhe u pasuan edhe në vitet e mëpasshme.

Në vitin 1976-1977, fillon në shkollë dhe konvikti i ri, i cili ishte i pajisur me të gjithë bazën materiale mësimore e sportive, ku nga stafi i mësuesve u punua me përkushtim për ngritjen e kabineteve sportive dhe të lendëve mësimore. Ky vit, fillon me një drejtor të ri, Petrit Kërtushën, specialist atletike, por edhe sekretar i rinisë së shkollës në atë kohë, dhe n/drejtor Skënder Rama, mësues matematike Melek Kalamishi, File Trimi - gjuhë ruse, Eqrem Bylykbashi specialist atletike, Dhimitër Ciri e Arto Zcharian për lojrat me dorë, ku ky i fundit është edhe autor i tekstit të volejbollit.

Përveç lëvizjeve në shkallë shkolle dhe rrethi, nxënësit tanë merrnin pjesë edhe në të gjitha iniciativat dhe lëvizjet që ndërmerrte rinia e vendit tonë. Kështu, puna në ndihmë të bujqësisë në periudhat e ndryshme të vitit,  në aksionet kombëtare si ndërtimin e hekurudhës Tiranë-Pogradec dhe pikërisht në njërën nga këmbët e urës së madhe të Bushtricës, në ndërtimin e hekurudhës brenda Metalurgjikut dhe të ndërtimit të Uzinës 12 në këtë Kombinat, ku dhe jemi dekoruar me Urdhëra e Medalje pune e flamuj.

Vitet që do të vijnë do të ndryshojnë strukturën e të gjithë shkollës. Kështu, në vitin shkollor 1977-1978, shkolla kthehet në shkollë e Mjeshtërisë Sportive, dhe puna e stafit mësimor e sidomos e specialistëve, do të përqëndrohet në ngritjen më të lartë të cilësisë sportive. Kështu, u hap dega e furbollit me specialist Edmond Zallën e Petraq Ikonomin e më pas Kolec Shuli. Ardhja e pedagogut të gjimnastikës Arqile Marko, do të sjellë një frymë të re në këtë disipline duke rritur shkallën e vështirësisë së ushtrimeve dhe të cilësisë së ekzekutimit të tyre si për djem edhe për vajza.

Në vitin shkollor 1978-1979, emërohet drejtor shkolle Vehbi Oketa dhe n/drejtor Arqile Marko. Krahas procesit mësimor e stërvitor, nxënësit tanë morën pjesë në 2 spartakiadat e organizuara për nder të 35 vjetorit të Çlirimit si në rrethin e Durrësit ashtu edhe në Spartakiadën Kombëtare të zhvilluar në nëntor 1979 në Tiranë.

Me një kërkesë shumë këmbëngulëse prej afro dy vjetësh, Federata e Sporteve në Tiranë, ia arriti qëllimit që të kalonte degën e futbollit në shkollën e mesme të futbollit “Loro Boriçi”. Kështu që, viti 1981-1982, fillon vetëm me dy disiplina, atletikë dhe gjimnastikë, po këtë vit, largohet nga drejtimi, për një detyrë tjetër, drejtori Vehbi Oketa dhe drejtimi i shkollës bëhet nga n/drejtori Aleks Leka, i emëruar në këtë detyrë para pak kohe.

Në dhjetor të vitit 1982, drejtor emërohet Vasil Malja dhe stafit të mësuesve specialistë i shtohen: Kujtim Hoxholli, Njazi Dermani – gjimnastikë meshkuj dhe Çeljeta Bulku – atletikë.

Në vitin 1985, kemi përsëri një ndryshim në strukturën e shkollës ku me emërimin e Azem Ballgjinit si drejtor shkolle, hapet edhe cikli i ulët i shkollës 8-vjeçare me dy klasa të para dhe një klasë e pestë e ciklit të lartë të 8-vjeçares, me qëllim vazhdimësinë e shkollës së mesme dhe sjelljen e elementit të talentuar që në moshë të vogël, por që nuk u arrit të vihej në zbatim.

Ky cikël, u fuqizua mjaft, sidomos në vitet 1996-1997, ku në shkollën tonë u hapën dy klasa të drejtuara nga fondacioni “Soros” me metodikën e re të mësimdhënies “Hap pas hapi”, metodë kjo që dha mjaft rezultate të mira në procesin mësimor – edukativ nën drejtimin e mësuesve Ambra Duka, Merita Kërtusha e Fatbardha Madani.

Viti shkollor 1988 – 1989, fillon me emërimin e drejtorit Anesti Petani dhe shkolla vazhdonte në dy specialitetet: gjimnastikë dhe atletikë, ndërsa viti 1990-1991, fillon me ndryshimet e mëdha politike që ndodhën në vendin tonë, por, që ishte dhe viti më i vështirë, ai i eksodit ku dhe shkolla jonë u përfshi në të. Largohen nga shkolla 38 nxënës dhe 6 mësues, numri i nxënësve filloi të binte, rrethet nuk po sillnin më elementin e talentuar. Duke filluar nga ky vit, nuk kemi më nga dy klasa për çdo vit, por vetëm nga një. Kjo bëri që ne të humbnim edhe statusin nga shkollë Kombëtare në shkollë lokale, sepse edhe nxënësit pothuajse ishin vetëm nga rrethi i Durrësit.

Viti 1991-1992, fillon me riemërimin e Azem Ballgjinit si drejtor shkolle, detyrë që zgjati vetëm një vit dhe në vitin shkollor 1992-1993, emërohet drejtor shkolle Ibrahim Enesi dhe n/drejtor Eduart Salillari, një specialist mjaft i mirë i atletikës. Pas një viti, 1993-1994, drejtor emërohet Enver Mysja dhe në mars të 1995 emërohet drejtore Zhaneta Lolomani.

27 shtatori 1993 solli një eveniment të ri për shkollën tonë, vënien e emrit “Benardina Qerraxhia”, Pionieria e parë  e qytetit të Durrësit, e cila theu çdo koncept të kohës për femrën shqiptare dhe atë durrsake si  atlete, lojra me dorë dhe not ku ishte një notare e shkëlqyer.

Viti shkollor 1994-1995, solli  një shkëputje në vazhdimësinë e shkollës, sepse nuk hapet viti i parë, duke sjellë edhe një boshllëk në cilësinë sportive. U desh mjaft punë për të rihapur përsëri vitin e parë, gjë që u arrit me këmbënguljen e BSPSH si në rreth ashtu dhe në bazë shkolle, ku u hap vetëm nje klasë në dy specialitete, gjimnastikë e atletikë.

Viti shkollor 1996-1997, sjell një disiplinë të re në shkollën tonë, hapjen e specialitetit të boksit me një grup prej shtatë sportistësh dhe me trainer Dilaver Çobo. Në këtë grup, ishte edhe Kreshnik Qato, boksieri i talentuar dhe Kampioni i Evropës për peshën e tij. Në këtë periudhë, kemi edhe një sportiste tjetër të talentuar, Kampionen Olimpike në hedhjen e shtizës, Mirela Manjani, e cila fillimisht u stërvit nga Enver Mysja, ku dolën në pah vlerat e mëdha e me perspektivë të kësaj atleteje.

Viti 1997, si viti më i vështirë i vendit, solli vështirësi edhe për shkollën tonë ku me shumë vështirësi u arrit të hapej një klasë, kjo, për shkak të mos zhvillimit të aktiviteteve sportive si në rreth ashtu edhe në shkallë kombëtare, gjë që vështirësoi zgjedhjen e elementit sportist.

Në vitin shkollor 1999-2000, shkolla mbetet pa drejtues,  sepse Eqrem Shehu largohet për shkaqe shëndetësore dhe shkolla drejtohet nga n/drejtoresha Ilirjana Luli.

Agim Shehi emërohet drejtor i shkollës për vitin shkollor 2000-2001, detyrë që e mban deri në mars të 2002 me daljen në pension të tij dhe në krye të stafit pedagogjik vjen Xhemal Buzani drejtor dhe Kristo Sotiri n/drejtor.




Informacion per mbi 45.000 biznese ne Shqiperi.  Shkarko My ikub - aplikacioni qe i duhet cdo Shqiptari.

Sponsored
Na ndiqni

Shfleto artikuj te tjere per:
Postuar nga: Benardian Qerraxhia
ikub #:
1112050052






Digitalb


UnionBank