Llogaritja e ditës së lindjes   
Për të llogaritur datën e lindjes, është e rëndësishme të mbahet mend saktësisht data e fillimit të ciklit të fundit menstrual.
Nga  bebaime 22 Dhj
 
0
0

Për të llogaritur datën e lindjes, është e rëndësishme të mbahet mend saktësisht data e fillimit të ciklit të fundit menstrual. Kjo datë do të mjaftojë për të bërë një llogaritje të përafërt, me anë të një rregulli të përgjithshëm që e përdorin edhe mjekët gjinekologë.

Në jetën e përditshme, flitet për nëntë muaj shtatzëni. Me këtë tregohet zgjatja e shtatzënisë që nga momenti i konceptimit deri në ditën e lindjes së fëmijës. Por në fakt shtatzënia zgjat 9 muaj plus ditët nga dita e parë e menstruacioneve të fundit deri në momentin e konceptimit. Metoda më e përdorur për të matur kohën e shtatzënisë është ajo që shprehet me javë, pasi java është kohëzgjatja më e mirë që përshkruan ritmin e ritjes së fetusit.

Në mjeksi quhet rastësi shumë e veçantë korespondimi i datës së lindjes, me atë që japin të gjitha tabelat llogaritëse sado të sofistikuara dhe të dixhitalizuara që të jenë. Do të ishte shumë e bukur dhe shumë e këndshme korespondimi i datës së lindjes me parashikimin e saj, por fundin e shtatzënisë e vendosin faktor të shumtë. Ato mund të jenë edhe patologjikë. Është vërejtur gjithashtu se gratë me fëmijën e parë lindin pak më shpejt në kohë se në lindjet e dyta e të mëtejshme të tyre. Edhe kohëzgjatja mesatare e cikleve menstruale si dhe kohëzgjatja luteinike e bëjnë të vështirë përcaktimin qoftë edhe me përafërsi të periudhës së ovulacionit, pasi nuk mund të parashikohet qartë data e konceptimit, përveçse kur është kryer vetëm një raport seksual midis menstruacioneve.

Literatura referon në gratë me kohëzgjatje mesatare prej 28 ditë të ciklit menstrual me shtatzëni normale, është e mundur që lindja të ndodhë në muajin e caktuar duke përfshirë 15-17 ditë para ose 15-17 ditë pas datës së parashikuar. Vetëm 5 fëmijë në 100 lindin në datën e parashikuar. Afërsisht 30 fëmijë lindin më parë dhe rreth 65 fëmijë më vonë se dita e llogaritur. Në këtë këndvështim, data e llogaritur e lindjes së fëmijës është orientuese.

Llogaritja e datës së lindjes, sipas llogaritësit të paraqitur, shoqërohet edhe me korrektimin për shkak të kohëzgjatjes mesatare të ciklit menstrual por pa marrë parasysh fazën luteinike. Edhe ky korrektin nuk e bën të aritshme saktësinë e parashikimit të datës së lindjes, por vetëm e përafron akoma më shumë. Gjithashtu duhet ditur se llogaritja e datës së lindjes është e ndryshme në shkollat përfaqësuese mjeksore të popujve dhe kulturave të ndryshëm. Është e kuptueshme se ndikimin kryesor e jep tradita e trajtimit të gruas shtatzënë, mënyra e të ushqyerit, klima dhe ambjenti, shërbimi shëndetsor gjatë shtatzënisë si dhe faktorë të tjerë social dhe ambjental. Por faktori kryesor i datës së lindjes së fëmijës është vetë nëna, organizmi i saj. Ajo është një individ unik pa asnjë kopje tjetër. Prandaj më qetësi, durim dhe dashuri duhet pritur dita e lindjes së fëmijës.






   
 
 
*Nese nuk e lexoni kodin atehere ringarkoni faqen per nje kod te ri.


Na ndiqni
Abonohu per artikujt me te fundit te Nëna dhe fëmija
raiffeisen
living
Sot ka platforma vendase për blerjet online
(A jeni të kënaqur me shërbimin dhe produktet që ofrojnë?)




Shfleto artikuj te tjere per:
Postuar nga: a.k
ikub #:
1112220031






Reklame
Pepsi


Reklame
Hako_0317
Reklame
spitali amerikan