Përdorimi adekuat i limonit mund ta përmirësojë pamjen e jashtme. Nëse në të esëll pini një a dy gota limonadë pa sheqer, atëherë do ta nxitni pastrimin e organizmit dhe tretjen e mirë.
Thonjtë
Thonjtë e verdhë, të shkaktuar nga bartja e ndonjë llaku të errët për një kohë të gjatë, mund të përtërihen. Qitni pak lëng limoni në një enë të vogël, e më pas thonjtë e pastruar i mbani në këtë lëng një a dy minuta.
Aroma e keqe
Pas një dite të mundimshme e hetoni se trupi juaj e ka humbur aromën e mirë? Nëse nuk mund të bëni banjë, apo të veni dezodorant, atëherë e prisni një limon përgjysmë dhe i fërkoni sqetullat me të. Thartira e limonit i mbyt bakteret që shkaktojnë erë të keqe.
Zbokthi
Lëngu i limonit nuk e largon zbokthin, por mund të largojë lëvoret e vogla të lëkurës, të cilat paraqiten në kokë. Qiteni limonin në kokë, pritni dhjetë minuta, e më pas lani flokët me shampo, si zakonisht.
Poret e lëkurës së fytyrës qitni pak limon në një copë pambuku dhe fërkojeni me të fytyrën. Me këtë procedurë do ta largoni yndyrën e tepërt dhe do të hapni poret e lëkurës. Për një piling natyral, përziejeni lëngun e limonit dhe kripën, e me këtë masë bëni piling (heqje e qelizave të vdekura nga lëkura).
Skuqja
Nëse ju është paraqitur skuqja në formë të urtikaries, për shkak të ndonjë alergjie, qitni në atë vend të lëkurës lëng limoni, i cili do ta largojë kruajtjen.
