Rrebesh shiu dhe breshër kjo është panorama që u pa në orët e para të mëngjesit në kryeqytet. Por sipas të dhënave të shërbimit METEOALB, kjo situatë është zhvilluar fillimisht në Adriatik, për t'u zhvendosur më pas në qendër.
Ndërkaq reshjet e shiut kanë përfshirë edhe qyetete të tjera në Jug dhe qendër të vendit. Por pavarësisht breshërit, moti ka ardhur duke u përmirësuar. Sinoptikanët parashikojnë që dita e e sotme të mos ketë më rreshje shiu duke përjashtuar zonat malore, ku do të ketë vranësira kalimtare. Po ashtu edhe dita e diel pritet të jetë pa rreshje shiu në pjesën më të madhe të vendit.
Temperaturat e ajrit do të pësojnë luhatje të mëdha, sot ka një rritje, ndërsa e diela sjell një rënie të ndjeshme, në mëngjes 4-5 gradë ndërsa mesdita, nuk do të sjellë luhatje të ndjeshme të temperaturave. Java do të nisë me kthjellime dhe vranësira të lehta, por zonat malore do të kenë vranësira dhe shira të dobët.
