A e kishit imagjinuar që ekziston një planet thuajse plotësisht me diamant? Quhet “55 Cancri” dhe ka një rreze dy herë sa ajo e Tokës dhe një masë thuajse 8 herë më të madhe, karakteristika që e bëjnë një të ashtuquajtur 'SuperTokë'. Ky është planeti, kompozimi kimik i të cilit është zbuluar nga kërkuesit e "Yale University", në një studim që do të publikohet në “Astrophysical Journal Letters”. Ai vërtitet bashkë me katër planetë të tjerë rreth yllit "55 Cancri", që gjendet rreth 40 vite dritë distancë nga Toka dhe është i shikueshëm me sy të lirë, në brendësi të kostelacionit të Gaforres.
Më shumë sesa vërtitet, planeti fluturon rreth yllit të vet, nga i cili është më afër plot 25 herë në krahasim nga sa Mërkuri është në distancë nga Dielli. Viti i tij zgjat rreth 18 orë dhe ndër të tjera ka një temperaturë të barabartë me 2150 gradë celciues. “Mbi këtë planet – ka shpjeguar koordinatori i studimit, Nikku Madhusudhan – menjëherë nën sipërfaqe ka një membranë të butë që përmban si grafit, edhe diamant. Nën të, pastaj ekziston edhe një tjetër membranë shumë e qëndrueshme, që është e përbërë ekskluzivisht me diamant të ngjashëm me atë që gjendet mbi Tokë, por shumë i pastër”. Duke shkuar më në thellësi mendohet se diamanti mund të jetë edhe në gjendje të lëngshme.(Wired)
