marketkonekt
0 0
2
 

Jetësohet Qendra e parë multifunksionale në Tiranë.

Në “TEN”, kurse falas për talentet në muzikë, artet pamore, baletin klasik e modern si dhe për të qenë pranë librit

Data: 15 Sht 2010 16:20
ikub# 1009150120
IMG_8146_m IMG_8159_m IMG_8142_m

Të rinjtë dhe të rejat e kryeqytetit, që nga sot do të kenë në dispozicion të tyre një hapësirë të re shumë funksionale e cila do të mirëpresë të gjthë ata që do të duan të shfrytëzojnë kohën e tyre të lirë në mënyrë frytdhënëse, duke zhvilluar talentet dhe njëkohësisht duke rritur shkallën e dijeve të tyre.

Krijimi i Qendrës Multifunksionale “Ten” vjen si rrjedhojë e një pune disavjeçare të Bashkisë së Tiranës. Struktura e vjetër e ish-kinema “Dajtit” është transformuar tashmë në mënyrë rrënjësore, duke u kthyer në një qendër shumëfunksionale për rininë. Kjo hapësirë synon t’u japë atyre mundësinë për t’u shoqërizuar në kushte e standarte europiane dhe është një hap shumë i rëndësishëm përpara, jo thjesht në mbajtjen e një premtimi të bërë ndaj rinisë kryeqytetase, por në krijimin e një shansi të ri, e një perspektive të re, e cila sot është e prekshme dhe që do të jetë e aksesueshme për të gjithë ata që do të duan të kalojnë sëbashku orët e pas-shkollës, por edhe për të gjithë ata që pasi kanë mbaruar Universitetin, do të duan të vazhdojnë të angazhohen në rrjete e komunikime rinore.

“Prej vitesh ne dëshironim këtë moment, prej vitesh kemi punuar për të ndërtuar këtë hapësirë e cila është hapësira e fëmijëvë, të rejave dhe të rinjve të talentuar, për të marrë kurse pa asnjë pagesë, për talente në muzikë, në arte pamore, në balet klasik e modern si dhe për të qenë pranë librit, për t’u prezantuar me librat e rinj dhe për të ndërtuar aktivitetet e tyre. Kështu që, nga sot kjo hapësirë e re shumëfunksionale është e hapur, është e gatshme të mirëpresë të gjithë ata që duan të regjistrohen në këto kurse dhe njëkohësisht është e gatshme të dëgjojë të gjithë idetë e sugjerimet e të rejave e të rinjve që dëshirojnë të kenë një hapësirë të përbashkët, për të zhvilluar këto ide dhe për t’i parë këto sugjerime të realizuara. Ky nuk është një projekt i mbyllur, është një projekt i hapur, është një projekt ku ne dëshirojmë pjesëmarrjen e të gjithëve dhe ku sigurisht mirëpresim kontriburtet e artistëve, shkrimtarëve, mësuesve dhe mësueseve që sot janë në pension por që do të dëshironin që të jepnin dijet dhe eksperiencën e tyre, për të mirrëritur në kohën e lirë fëmijët, të rejat dhe të rinjtë e këtij qyteti dhe që kanë nevojë për këtë hapësirë.
Unë jam shumë i kënaqur që ne sot ia arritëm që ta krijojmë e ta vëmë në dispozicion Qendrën Multifunksonale “Ten” që është Tirana e nxënësve, por njëkohësisht edhe numri 10 dhe presim që bashkë me ata që do të vijnë, të ndërtojmë një rrugë dhe një proces ku të gjithë të përfitojnë nga koha e tyre e lirë për të zhvilluar talentet e tyre dhe njëkohëisht për të rritur shkallën e dijeve të tyre” - u shpreh Kryebashkiaku Rama në përfundimin e punimeve për krijimin e kësaj hapësire të re, kaq të domosdoshme për të rinjtë kryeqytetas. 

Teknologjia ka zënë tashmë vend në jetën tonë të përditshme, ndaj është e paevitueshme që të rinjtë të bëhen pjesë e pandashme e saj. Shumë shpesh të rinjtë kanë një rol pasiv përballë mjeteve të komunikimit, si televizori, kompiuteri, kinemaja. Qendrat multimediale janë pikërisht ato hapësira të cilat u japin mundësi të rinjve për të transformuar këto mjete komunikimi në instrumente të rritjes edukative, forcimit të dialogut ndërinstitucional, promovimit të shkëmbimeve kulturore, duke u ofruar atyre aftësinë e të gjykuarit, duke i bërë pjesëmarrës në procesin e tyre formues, por edhe mundësinë për t’u edukuar si individë.

Ngritja e qendrave multimediale dhe komunitare, një nga objektivat e Bashkisë së Tiranës, tashmë jetësohet me projektin e parë të këtij lloji, që do të synojë rigjallërimin e aktivitetit kulturor, artistik dhe rekreativ në kryeqytet, duke plotësuar kështu nevojat, dëshirat dhe ambicjet artistike e krijuese të grupmoshave të reja.

Qendra Multimediale “TEN” është e pajisur me:
Sallën Qendrore e cila është konceptuar për 130 persona dhe do të kryejë funksionet e mëposhtme:

• Projeksion për filma, dokumentarë, materiale didaktike, prezantime, Poëer Point etj
• Teatër, shfaqje, prova
• Koncerte të muzikës klasike, të lehtë dhe popullore instrumentale
• Pritje zyrtare, me pjesëmarrje të gjerë, mbledhje forumesh komunitare, festime etj

Mexanina e Fëmijëve do të shërbejë si laborator kreativ për grupmoshat 3 deri në 13 vjeç, me grupe jo më shumë se dhjetë veta.

Funksionet e saj janë:
• Pikturë e lirë imagjinare
• Punime me plastelinë e materiale të riciklueshme
• Tregim dhe interpretim historish e përrallash
• Pjesë teatrale të shkurtra për nxitjen e talenteve
• Ndjekje e projeksioneve për fëmijë apo materialeve didaktike

Atriumi i Librit, perla elitare e Qendrës Multivalente e ndërtuar në katin e dytë të ngrehinës me elemente të shumtë transparence, do t’u shërbejë të rinjve për një sërë funksionesh:
• Takimet e librit, prezantime nga vetë autorët për një rreth të kufizuar vizitorësh
• Qarku i leximit, me pjesë të zgjedhura nga botimet e reja apo vepra të shquara të letërsisë; lexim, analizë mbi konceptin letrar, bisedë strukturore etj
• Kursi teatror apo grupet teatrore do të kryejnë provat e memories së tekstit
• Sallë leximi individual
• Pritje zyrtare me numër të kufizuar, takime, prezantime

Dhoma Muzikore kryen funksion didaktik, në bazë të një axhende të krijuar nga drejtuesi i Qendrës. Larmia e grupeve do të vendoset në bazë të kërkesës. Një grup do të përbëhet maksimalisht nga 5 veta.

Funksionet e Dhomës së Muzikës janë:
• Kursi i trajnimit vokal (këngë)
• Kursi i veglave muzikore (kitarë, piano, violinë)
• Kursi i kërcimit
• Regjistrimi vokal i demove
• Trajnime për spiker radiofonik
(Brenda dhomës së muzikës parashikohet të funksionojë një radio modeste)

Laboratori Pamor do të jetë ambjenti ku piktura, instalacioni dhe fotografia do të kenë hapësirën e tyre të dedikuar. Ky ambient do të jetë i hapur për të gjithë ata që adhurojnë artet pamore, nga mosha 14-60 vjeç.

Funksionet e Laboratorit Pamor janë:
• Kurset e pikturës
• Kurset e instalacionit
• Design - Grafik
• Fotografi
• Ekspozim Arti

Korridori i Ekspozimit do të kryejë përgjatë gjithë kohës funksionin e një galerie arti tematik. Një rëndësi të veçantë do t’i kushtohetaksesit të Internetitnë godinë, si një element i rëndësishëm për funksionimin dhe mbështetjen e të rinjve, përmes ofrimit të një shërbimi modern.



Komente: Shfleto artikuj te tjere per:
Postuar nga: ermal
ikub #:
 2
BASHKI QENDER
1009150120





   
 
  *Nese nuk e lexoni kodin atehere ringarkoni faqen per nje kod te ri.
Aurela
Para 11 ditesh  
  
jam e interesuar nese ne kete qender behen kurse dopiazh ( per femije 13-15 vjec) .
jam e interesuar per vajzen pasi kam nevoje te prefeksionoje me mire te folurin shqip
     
ernest kala
Para 39 ditesh  
  
jam nest me pelqen shum muzika dhe mendoj se kam nje talent qe un dua ta shfrytezoj ate mua me pelqen shum te kendoj dhe shpresoj se do mesjo dhe do behem dikush ne artin e muzikes fal jush
     


Argetohu Gjej
Jeta e perditshme Te nevojshme




digitalb
spitaliamerikan

as