Apendiciti i irrituar mund të japë simptoma të ndryshme: Lexoni ç’duhet të bëni
Apendiciti i irrituar mund të japë disa simptoma, ndonjëherë edhe të rreme. Lexoni këtu s’i duhet t’i interpretoni për të evituar që gjendja të degjenerojë.
Burimi: ikub.al
Shperndaje
 
0
0
Instruksione

Kur apendiciti përfshihet nga inflamacioni mund të përjetoni dhimbje të ndryshme dhe jo vetëm në bark: mund të keni edhe djegie stomaku, vështirësi në tretje, etj.

Simptomat e apendicitit? Po ju shpjegojmë cilat janë, në këtë mënyrë mund t’i njihni. Në rastin e simptomave të hershme të tij, mund të provoni menjëherë korrigjimin me medikamente. Apenciciti është inflamacion i apendiksit, i cili manifestohet shpesh me dhimbje të forta barku.

Në përgjithësi bëhet fjalë për një emergjencë mjekësore e cila kërkon një trajtim kirurgjikal. Apendiciti mund të prekë çdo moshë, por më i zakonshëm është tek adoleshentët dhe të rinjtë.

Po çfarë është apendiksi? Apendiksi është një zgjatim i zorrës së “verbër”, zona e “komunikimit” mes zorrës së hollë dhe zorrës së trashë. Mund të jetë 5-9 cm i gjatë.

 

Forma e tij është e ngjashme me atë të një krimbi dhe muret e tij përmbajnë një ind limfatik i cili merr pjesë në prodhimin e antitrupave. Apendiksi shërben gjithashtu edhe si një rezervuar i baktereve intestinale që ndihmojnë në procesin e tretjes.

Zorra e verbër dhe apendiksi ndodhen në kuadratin e poshtëm në anën e djathtë të barkut. Problemi është që në fazën fillestare, kur ka thjesht një tension të apendiksit, pa inflamacion rreth e rrotull, simptomat mund të jenë shumë të paqarta dhe jo domosdoshmërisht të lokalizuara.

Në fillim dhimbja mund të jetë e shpërndarë, zakonisht ndodh në zonën e stomakut ose pranë tij. Vetëm kur peritoneumi ( i cili përmban mbaresa nervore) është me inflamacion, truri është në gjendje të identifikojë më saktësisht rajonin e prekur dhe dhimbja është më e fokusuar në bark.

 

Tabloja tipike është një dhimbje e papritur rreth kërthizës e cila bëhet më intensive kur i afrohet anës së djathtë të poshtme. Marrje mendsh, të vjella dhe temperaturë janë simptomat e zakonshme në fazat e avancuara të apendicitit. Mund të keni edhe diarre ose ndjenjë shtypjeje në bark.

Kur inflamacioni dhe fryrja shkaktojnë shpim të apendiksit ndodh peritoniti (inflamacion i peritoneumit). Pacientët që vuajnë prej tij paraqesin dhimbje të forta barku  të cilat mezi durohen. Pacienti ndien dhimbje edhe me stimuj të thjeshtë si p.sh  bërja e një hapi në dysheme ose ndryshimi i pozicionit. Bëhet fjalë për një gjë shumë serioze dhe ju duhet të veproni shpejt për të parandaluar përhapjen e infeksionit.

 

Simptomat e apendicitit kronik

Disa pacientë paraqesin simptoma të shqetësimit të përhershëm (apendiciti kronik). Apendiciti kronik paraqitet si një dhimbje ciklike e kuadrit abdominal, ndërsa shpesh është e vështirë ta diagnostikosh.

 




   
 
 
*Nese nuk e lexoni kodin atehere ringarkoni faqen per nje kod te ri.




loading...

Na ndiqni




Shfleto artikuj te tjere per: APENDICITI EVITIMI IRRITIM SIMPTOMA
Postuar nga: o.zh
ikub #:
1702150067




Reklame
Raiffeisen


Reklame
inTV


Reklame
Abissnet